Մեր Աշխատանքը

Օղակի առաքելութեան մաս կը կազմէ ձեռային աշխատանքներու եւ ազգային ասեղնագործութեան ուսուցումը, որպէս միջոց զբաղումի, հանգստանալու եւ արժանապատիւ ձեւով ապրուստ ապահովելու: Այս ծիրին մէջ Օղակի ձեռային աշխատանքի խմբակը տարիներու ընթացքին ձեռք բերաւ մասնագիտական աշխատանքի հմտութիւններ։ Ցուցահանդէսներ կազմակերպուած են տարբեր երկիրներու մէջ, որոնց յաջողութիւնը նպաստած է յաւելեալ պրպտումներու եւ ստեղծագործական աշխատանքի զարգացման: Ձեռային աշխատանքները քաջալերելով՝ դուք ոչ միայն առիթը պիտի ունենաք ապահովելու այս կարեւոր աշխատանքին շարունակականութիւնը, այլեւ պիտի վայելէք հայ կնոջ ձեռքի գոհարները, իսկ ազգային ասեղնագործութեան նմուշները, մեր առօրեայ գործածութեան մէջ մեզի պիտի յիշեցնեն մեր հարուստ մշակոյթը, որուն կենսունակութիւնը ապահովելը կը մնայ բոլորիս պարտաւորութիւնը: